ថ្មីៗនេះក្រុមហ៊ុន custom រថយន្ដល្បីឈ្មោះ Heritage Custom បានបង្ហាញគម្រូរថយន្ដថ្មីដែលខ្លួនទើបតែកែហើយក្ដៅៗ ឈ្មោះថា Land Rover Defender 130 Valiance ដែលត្រៀមចេញលក់ឆាប់ៗនេះ ក្នុងតម្លៃខ្ទង់ ១៦ មុឺនដុល្លារ។
Land Rover pick up នេះ ត្រូវបាន Heritage កែចេញពីរថយន្ដ luxury SUV ពេញនិយមរបស់ Land Rover នោះគឺ Land Rover Defender 130 នៅក្នុងគម្រោង “Semi-coachbuilt project” របស់ខ្លួន ជាមួយនឹងលទ្ធផលចេញមកទាក់ភ្នែកដូចនឹងរថយន្ដចេញពីក្រុមហ៊ុនផ្ទាល់តែម្ដង។ ប៉ុន្ដែកុំបារម្មណ៍ ដោយសារ Heritage នេះធ្លាប់ធ្វើ Land Rover Convertible ឲ្យ Land Rover ពីមុនមក កាលពីឆ្នាំ ២០២១ ក្នុង project “ultimate coachbuilt SUV convertible” ដែលទទួលបានការចាប់អារម្មណ៍ច្រើនពីអតិថិជនផងដែរ។
សម្រាប់សមត្ថភាព និង spec របស់វា Heritage បានបង្ហើបថា វាធ្វើតាម Defender 130 X Dynamic SE តែមិនទាន់បានបញ្ជាក់ទេថា វានៅរក្សា spec ដូចដើម ឬត្រូវផ្លាស់ប្ដូរលើផ្នែកមួយចំនួនដើម្បីឲ្យវាមានសមត្ថភាពត្រូវនឹងរថយន្ដ pick up ពេញតួឬយ៉ាងណានោះទេ តែបើសិនជា វាគ្រាន់តែប្ដូររូបរាងទេ ដូចនេះយោងតាម Defender 130 X Dynamic ដែលមាននៅទីផ្សារអាមេរិកបច្ចុប្បន្ន វាបំពាក់ម៉ាស៊ីន P400 mild Hybrid ៣.០លីត្រ turborcharged ៦ ស៊ីឡាំង ដែលផលិតកម្លាំងបាន ៣៩៥សេះ។
សម្រាប់បច្ចេកវិទ្យា មុខងារប្រើប្រាស់ និងជំនួយការបើកបរផ្សេងៗ គេសន្និដ្ឋានថានឹងទុកនៅដូចដើម តែធ្វីដែលពិសេសនោះគឺ បរិក្ខារផ្នែកខាងក្នុង និងពណ៌រថយន្ដខាងក្រៅ គឺនឹងត្រូវធ្វើបត់បែនតាមការចង់បានរបស់អតិថិជន ដូចជា មានពណ៌ប្លែកៗច្រើន ដែលក្រុមហ៊ុននឹងលាយទៅតាមការចង់បាន អាចកម្មង់ចង់បានស្បែកម៉ូដអីដើម្បីស្រោបពូកកៅអី និងបរិក្ខារខាងក្នុងជាដើម។
តាម Car Buzz បានឲ្យដឹងថា សម្រាប់ Defender 130 Valiance នេះ Heritage គ្រោងផលិតចេញដំបូងតែ ៥ គ្រឿងប៉ុណ្ណោះ ជាមួយតម្លៃចាប់ផ្ដើមពី ១៦៦ ២០០ ដុល្លារទៅ អាចឡើងចុះអាស្រ័យតាមការតម្រូវឲ្យ custom បន្ថែមពីអតិថិជន តែ Heritage ក៏មាន version ខ្មៅសុទ្ធមួយទៀតដែរ ជាមួយតម្លៃរាងធូរថ្លៃជាងចាប់ផ្ដើមពី ១៥២ ៩០០ ដុល្លារទៅ។
អត្ថបទ៖ Andra
ប្រភព៖ Car Buzz
លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
ក្រុមហ៊ុន MG Cambodia បានបើកសម្ពោធជាផ្លូវការអគារតាំងបង្ហាញរថយន្តសាខាទី4 គឺ MG ខេត្តបាត់ដំបង
Nissan បញ្ចេញម៉ូឌែល Rogue 2025 ប្រភេទ Plug-in Hybrid ដើម្បីត្រៀមប្រជែងជាមួយ Hyundai, Kia នឹង Toyota នៅឆ្នាំក្រោយលើទឹកដីអាមេរិក
Isuzu D-Max សមត្ថភាពមិនធម្មតា ល្បីថាម៉ាស៊ីនម៉ាស៊ូតអេម កាន់ខ្ទង់ ២ម៉ឺនដុល្លារគួរមើលស៊េរីឆ្នាំទាំងនេះ
កាលចេញដំបូងក្បែរ ៥ម៉ឺនដុល្លារ ពេលនេះកាន់ខ្ទង់ ៣ម៉ឺនដុល្លារជាង ទិញបានជិះហើយ យល់យ៉ាងណាដែរចំពោះ Honda CR-V ឆ្នាំ២០២២ មួយនេះ?
Subaru Crosstrek 2025 មានពីរជម្រើសម៉ាស៊ីន នឹងភ្ជាប់ជាមួយ Trim/Option ចំនួន 5 ខណៈតម្លៃវិញចាប់ពី 2ម៉ឺនដុល្លារជាងឡើងទៅ
ស្ងាត់ៗ ! Bentley បើកបង្ហាញ The New Flying Spur Mulliner 2025 រថយន្តដែលរំលេចពីកិត្យានុភាព និង ពោរពេញដោយអំណាចមិនថាមើលពីជ្រុងណាក៏ដោយ
នោះ! Volkswagen បញ្ចេញម៉ូឌែល Taos 2025 ប្រភេទ SUV របស់ខ្លួនជាមួយតម្លៃចាប់ពី 2 ម៉ឺនដុល្លារឡើងទៅ
LX600 មិនទាន់បានប៉ះផង ពេលនេះ Lexus បង្ហាញម៉ូឌែល LX700h ប្រភេទ Hybrid ត្រៀមចេញលក់បណ្ដើរៗនៅចុងឆ្នាំនេះ